सहकारी ठगी र संगठित अपराध कसुरमा कास्कीमा मुद्धा खेपिरहेका  प्रराष्ट्रिय स्वतन्त्र पार्टीका सभापतिरवि लामिछानेको आजदेखी काठमाण्डौंमा बयान लिइने भएको छ । प्रहरीले हिजो  बिहीबार जहाजमार्फत लामिछानेलाई काठमाडौं ल्याइएको हो ।

उनको आज सरकारी वकिलको कार्यालयमा बयान हुने प्रहरीले जनाएको छ । 

काठमाडौंको कालिमाटीमा रहेको स्वर्णलक्ष्मी सहकारी ठगीमा समेत संलग्नता रहेको आरोपमा लामिछानेविरुद्ध काठमाडौं जिल्ला अदालतले पक्राउ पुर्जी जारी गरेको थियो । सोही सहकारी ठगीको अनुसन्धानको लागि उनलाई काठमाडौं ल्याइएको हो । काठमाण्डौंमा बयान सकिएपछि लाछिानेलाई पुनः कास्की लैजाने प्रहरीको तयारी छ । 

लामिछानेलाई गत कार्तिक २ गते पक्राउ गरी पोखरा लगिएको थियो । आज ४१औं दिनमा उनलाई काठमाडौं ल्याइएको हो ।